تجربة الطيران الشراعي

مغامرتنا على أرض "بدر" المحافظة التابعة لمنطقة المدينة المنورة, اللي تتميز بحرارة جوها في الصيف واعتداله في الشتاء, وطبيعتها المتنوعة والمتوّجة بالجمال وقيمتها الدينيّة والتاريخية اللي ذُكرت في المعاجم, حصلت فيها أول معركة في الحقبة الإسلامية (غزوة بدر).محاطة بالجبال والهضاب والكثبان الرملية والأودية ومزارع النخيل اللي أعطتها طبيعة رائعة ومختلفة جذبت السكّان والزوار من مختلف أنحاء المملكة.ويلا نجي على جمال تفاصيل رحلتنا فيها..كلنا عشنا من طفولتنا تجربة الطيران في خيالنا وتمنّيناها,حققناها اليوم على أرض الواقع وأرض العجائب الحلوة اللي راح تطير فيها رفقة مدرّبين محترفين من أعلى نقطة كثبان رملية في الشرق الأوسط وتكتشف فيها طبيعة لافتة وسط أمواج رمليّة تتمنى تشوفها.مغامرة الطيران الشراعي تبدأ بالتقاءنا في نقطة التجمع 12:00 ظهرًا ونستعد فيها لبداية المغامرة وتستمر الدهشة معانا من وقت وصولنا للمخيم ولآخر لوحة خياليّة تترسم لك في الأفق لحظة الغروب,استعد انت وأهلك وكل أصحابك المقرّبين كبار وصغار لأن المتعة راح تستمر بفعاليات رائعة مثل: التطعيس والتزلّج والمشي الرملي والاسترخاء ويا سلام لو نكمّلها بجلسة سمر تجمعنا على وجبة عشاء لذيذة
نستاهلها بعد يوم أكثر من رائع عشناه وحفره التاريخ في ذاكرة أيامنا..

يومك المفضّل بدأ وكلنا في انتظارك!